Foreks bazarının həftəlik təqvimi və analitikası 15.07.24-21.07.24

UForexcari həftənin mühüm xəbərlərini Sizin nəzərinizə çatdırır:

İnvestorlar seçki kampaniyası zamanı, Donald Trampa sui-qəsd cəhdindən

sonra bu həftə birjalarda əhəmiyyətli yüksəliş gözləyirlər. Tramp bildirib ki,

bu cür hücumlar onu dayandıra bilməyəcək və bu, onun yenidən seçilmək

mövqeyini gücləndirə bilər. Analitiklər hadisəni 1981-ci ildə Ronald Reyqana

qarşı sui-qəsd cəhdi ilə müqayisə edirlər və Trampın qalib gəlmə şansının

arta biləcəyinə inanırlar. Hücumdan əvvəl dollar möhkəmlənirdi və bazar

Trampın şanslarını dəyərləndirirdi. İqtisadçılar bu tendensiyaların davam

edəcəyini proqnozlaşdırırlar.

ABŞ

İnvestorlar Trampın qalib gələcəyi təqdirdə daha sərt ticarət siyasətlərinə

və daha az tənzimləmələrə ümid edirlər. Vergi güzəştlərinin də uzadılması

gözlənilir ki, bu da büdcə kəsirinə səbəb ola bilər. Tramp faiz dərəcələri və

fiskal siyasətə təsir edən FED sədri Jerome Pauell-i yenidən sədr təyin etməmək

niyyətindədir. S&P 500 və Dow Jones kimi fond indekslərindəki dəyişikliklər

dəyişkən investor əhval-ruhiyyəsini əks etdirir. İlon Mask da daxil olmaqla

qlobal siyasi və biznes liderləri hücumu pisləyib və Trampa dəstək ifadə

ediblər. “Goldman Sachs” analitikləri qeyd edirlər ki, respublikaçıların

qələbəsi adətən biznes nikbinliyinə müsbət təsir göstərir. Çinin yavaşlayan

iqtisadiyyatı deflyasiyaya səbəb olub, ABŞ və Avrozonada əmtəə və istehlak

mallarının qiymətlərini təxminən 0,1% aşağı salıb. Bu, mərkəzi banklara pul

siyasətini yüngülləşdirmək üçün daha çox sərbəstlik verir. Analitiklər deyirlər ki,

Çinin deflyasiyası ixrac imkanlarını artırır ki, bu da ABŞ-ın geyim kimi idxal

mallarının qiymətlərini aşağı sala bilər.

15 iyul

20:30 – FED-in rəhbəri cənab Pauellin çıxışı.

16 iyul

16:30 – Pərakəndə satış həcminin baza indeksi (Aylıq)

16:30 – Pərakəndə satış dövriyyəsi (Aylıq)

17 iyul

18:30 – Xam neft ehtiyatları

18 iyul

16:30 – İşsizlik müavinətləri üçün ilkin müraciətlərin sayı.

16:30 – Phil. FED-in istehsal sektorunda biznes aktivliyi indeksi

Avrozona

Bu həftə investorlar Avrozonada (çərşənbə) və Almaniyada (cümə)

inflyasiya məlumatlarını, həmçinin Avropa Mərkəzi Bankının qərarını

və Kristin Laqardın çıxışını (cümə axşamı) izləyəcəklər. EURUSD məzənnəsi

ötən həftə 1.08182-dan başlayıb, 1.0996-a çatıb, lakin sonra azalaraq

həftəni 1.0940-da başa vurub. Məzənnə 1.09$-dan yuxarı qalarsa,

yüksəliş trendi davam edəcək.

17 iyul

13:00 – İstehlak qiymətləri indeksi (CPI)

18 iyul

16:15 – Əmanətin faiz dərəcəsi

16:15 – Faiz qərarı

16:45 – AMB-nın mətbuat konfransı

Cari həftənin gözləntiləri:

- Artım hədəfləri: 1.09010, 1.0921, 1.0936

- Eniş hədəfləri: 1.0880, 1.0875, 1.0867

Böyük Britaniya

Çərşənbə günü İngiltərədə dərc olunacaq istehlakçı və istehsalçı

qiymət indeksləri ilə bağlı məlumatlar GBPUSD məzənnəsinə

təsir göstərə bilər. Ötən həftə GBPUSD məzənnəsi dolların

zəifləməsi səbəbindən 1.28055-dən 1.29856-ə yüksəlib.

Məzənnə 1.30 nişanını keçərsə və daha yüksək qalsa,

yüksəliş tendensiyasının güclənmə ehtimalı var.

17 iyul

10:00 – İstehlak qiymətləri indeksi (CPI)

Cari həftənin gözləntiləri:

- Artım hədəfləri: 1.2987, 1.3008, 1.3023

- Eniş hədəfləri: 1.2952, 1.2938, 1.2917

Neft

Texasda qasırğanın daha az təsiri neft qıtlığı qorxusunu

azaldıb və qiymətləri aşağı salıb. Brent markalı neft

87 dollardan 84.50 dollara kimi ucuzlaşaraq həftəni

85.50 dollara başa vurub. Qiymət 87 dollardan yuxarı

qalxsa və daha yüksək qalsa, yüksəliş ehtimalı vardır.

Cari həftənin gözləntiləri: (WTI)

- Artım hədəfləri: 82.37, 83.71, 84.92

- Eniş hədəfləri: 79.82, 78.61, 77.27

Cari həftənin gözləntiləri: (Brent)

- Artım hədəfləri: 86.64, 88.24, 89.56

- Eniş hədəfləri: 83.72, 82.40, 80.80

Qızıl

Ötən həftə qızıl 2386.50 dollardan 2419.37 dollara qədər

bahalaşaraq həftəni 2411.28 dollara başa vurub. Qiymət

2400 dollardan yuxarı olarsa, yeni yüksəlişlər mümkündür.

Bu həftə investorlar üçün qızıla potensial təsir göstərə biləcək xəbərlər :

• Kanada, Yeni Zelandiya və Yaponiyada istehlak qiymətləri indeksi
• ABŞ-da idxal və ixrac qiymətləri indeksləri
• Phil. FED-in istehsal sektorunda biznes aktivliyi indeksi
• "Bej Book" hesabatı
• FED-in rəhbəri cənab Pauellin çıxışı.
• Avrozonada və Almaniyada “ZEW” indeksi və iqtisadi həssaslıq indeksi
• Böyük Britaniya və Avstraliyada əmək bazarı hesabatları

Cari həftənin gözləntiləri:

- Artım hədəfləri: 2448.74, 2476.77, 2523.14

- Eniş hədəfləri: 2374.34, 2327.97, 2299.94

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az