Foreks bazarının həftəlik təqvimi və analitikası 01.09.2025 - 07.09.2025

UForexcari həftənin mühüm xəbərlərini nəzərinizə çatdırır:
Keçən həftə bazarlarda qarışıq dinamika müşahidə edildi. ABŞ dolları üç

həftəlik zəifləmədən sonra möhkəmlənməyə cəhd etsə də, hələ də illik

diapazonunun aşağı hissəsində qalır. İyul ayına dair əmək bazarı göstəricilərinin

ciddi şəkildə aşağıya doğru yenilənməsi investorları narahat etdi və FED-in sentyabr

qərarı ətrafında qeyri-müəyyənliyi artırdı. ABŞ-də PCE inflyasiyası hədəfdən yuxarı

səviyyədə qalsa da, iqtisadi artım davam edir. Avrozonada istehlakçı əhvalı və siyasi

risklər avronu məhdudlaşdırır, lakin inflyasiya və ÜDM üzrə yeni məlumatlar istiqaməti

müəyyənləşdirəcək. Enerji bazarında tələb və təklif balansda qaldığından, buna görə Brent

və WTI tərəddüdlü zonada ticarət olunur. Qızıl isə “təhlükəsiz liman” statusunu qoruyur: geosiyasi

gərginliklər və FED-in siyasəti ilə bağlı şübhələr alıcıları cəlb edir.

Nəticə etibarilə, yeni həftə üçün bütün diqqət ABŞ-nin əmək bazarı göstəricilərinə

yönəlib. Bu göstəricilər yalnız dolların deyil, həm də qlobal risk iştahının və mərkəzi bank

siyasətlərinə dair gözləntilərin əsas determinantı olacaq.

ABŞ

ABŞ üçün həftənin mərkəzi hadisəsi - Nonfarm Payrolls (NFP) hesabatıdır.

İyul ayında cəmi 73 min iş yeri yaradılması və əvvəlki ayların göstəricilərinin

258 min azaldılması əmək bazarındakı real zəifliyi üzə çıxardı. Bu, FED üçün

böyük siqnaldır: işsizlik artıq 4.3%-ə yaxınlaşır, maaş artımı isə sabit qalsa da,

iqtisadi “soyuma” ehtimalını gücləndirir. Əgər avqustda iş yerlərinin artımı çox

zəif olarsa, bazarlar FED-dən sentyabrda faiz endirimi gözləyəcək. Bu dolların

zəifləməsinə və qızılın güclənməsinə səbəb ola bilər. Əksinə, gözləntiləri üstələyən

rəqəmlər dolları dəstəkləyəcək, çünki FED-in “gözləmə” mövqeyinə üstünlük verəcək.

ISM-dən istehsal və xidmətlər indeksləri də iqtisadi aktivliyin real vəziyyətini göstərəcək.

Bu məlumatlar inflyasiyanın yalnız bir dəfəlik dalğalanma olub-olmadığını qiymətləndirməkdə

FED üçün əlavə siqnal olacaq.ABŞ dolları hazırda “siyasi təzyiq” altında qalır. Trampın FED üzvlərinə

yönələn tənqidləri və qurumun müstəqilliyi ilə bağlı şübhələr bazarın etimadını sarsıdır. Ona görə də

həftənin nəticələri yalnız statistikadan deyil, həm də siyasi fonun necə dəyişməsindən asılı olacaq.

1 sentyabr

Gün ərzində ABŞ-də qeyri-iş günüdür

2 sentyabr

17:45 – İstehsal sektorunda biznes aktivliyinin indeksi (PMI) (avqust)

18:00 – İstehsal sektorunda biznes aktivliyinin indeksi (PMI) (avqust)

3 sentyabr

18:00 – “JOLTS” əmək birjasında açıq vakansiyaların sayı (iyul)

4 sentyabr

16:15 – ADP-dən qeyri-kənd təsərrüfatı sektorunda məşğulluq göstəricisi (avqust)

16:30 – İşsizlik müavinətləri üzrə ilkin müraciətlərin sayı

17:45 – Xidmət sektorunda biznes aktivliyinin indeksi (PMI) (avqust)

18:00 – ISM-dən qeyri-istehsal sektorunda biznes aktivliyinin indeksi (avqust)

20:00 – Xam neft ehtiyatları

5 sentyabr

16:30 – Saatlıq orta əməkhaqqı (aylıq) (avqust)

16:30 – Qeyri-kənd təsərrüfatı sektorunda məşğulluq göstəricisi (avqust)

16:30 – İşsizlik göstəricisi (avqust)

Avrozona

Avrozona iqtisadiyyatı da zəiflik nümayiş etdirir. İstehlakçı etimadı və biznes

əhvalı hələ də aşağı səviyyədədir. Almaniya və Avrozona üzrə PMI göstəriciləri

iqtisadi aktivliyin zəif qaldığını göstərir. Bu həftə avronun istiqamətini əsasən

HICP inflyasiya göstəriciləri və ikinci kvartal üzrə ÜDM göstəricisi təyin edəcək.

Əgər inflyasiya gözləniləndən aşağı açıqlanrsa, Avropa Mərkəzi Bankının artıq

“neytral” mövqeyi daha da güclənəcək. Əksinə, sürpriz şəkildə yüksək nəticələr

avronu dəstəkləyə bilər.Siyasi risklər də gündəmdədir. Fransada hökumətə etimad

səsverməsi ehtimalı var, bu da avro üzərində əlavə təzyiq yaradır. Rusiyanın Ukraynaya

hücumlarının davam etməsi və hətta Aİ ofislərinin zərbə alması regionun siyasi risklərini artırır.

Avro ABŞ dolları qarşısında zəif görünür, amma əgər ABŞ rəqəmləri məyusedici olarsa, avro üçün

qısamüddətli yüksəliş imkanı qalır. Yəni əsas istiqamət hələ də dolların gücü və ya zəifliyindən asılıdır.

2 sentyabr

13:00 – Avrozonada istehlak qiymətləri indeksi (illik) (avqust)

Cari həftənin gözləntiləri:

- Artım hədəfləri: 1.1740; 1.1830; 1.1900

- Eniş hədəfləri: 1.1650; 1.1590; 1.1520

Neft

Enerji bazarında balanslı, amma bir qədər “ehtiyatlı” dinamika müşahidə olunur.

WTI keçən həftə 62.8-65.0 diapazonunda hərəkət etdi. İstehsal sabitdir, ABŞ

ehtiyatları isə yüksəkdir, bu da qiymətlərin yuxarı qalxmasını məhdudlaşdırır.

Qısamüddətli artımlar olsa da, bazar hələ də fundamental olaraq “stabillik zonasında”dır.

Brent isə daha çox eniş riskini daşıyır. Texniki baxımdan 72 dollara qədər yüksəliş mümkündür,

amma əsas tendensiya aşağı yönümlüdür. Əgər qiymətlər 63 dolları keçərsə, bu, daha dərin

enişlərin başlanğıcı ola bilər. Yuxarı istiqamətdə 79-80 dollar zonası yalnız bazarda güclü alış

dalğası yaranarsa mümkündür.Ümumilikdə, neft bazarı hələ də qlobal iqtisadi aktivliyə həssasdır.

ABŞ və Avrozona məlumatları zəif olaraq açıqlanarsa, neft üçün tələbatın azalması ehtimalı

qiymətləri aşağı salacaq. Əks halda, güclü iqtisadi siqnallar neftə dəstək ola bilər.

Cari həftənin gözləntiləri (Brent):

- Artım hədəfləri: 72.35; 79.45; 86.55

- Eniş hədəfləri: 68.00; 63.05; 55.05

Cari həftənin gözləntiləri (WTI):

- Artım hədəfləri: 64.40; 65.20

- Eniş hədəfləri: 63.00; 62.30

Qızıl

Qızıl bu həftə də diqqət mərkəzindədir. Keçən həftə qızılın qiyməti 3400 dolları keçdi

və bazarda “bullish” əhvalı gücləndi. Əsas dəstək amilləri: ABŞ dollarının zəifliyi, FED-in

mümkün faiz endirimi və geosiyasi gərginliklərdir. ABŞ ilə Çin arasındakı ticarət riskləri,

Trampın FED-ə təzyiqləri və Rusiya-Ukrayna müharibəsində yeni eskalasiyalar investorları

“təhlükəsiz liman”a yönəldir.Texniki olaraq qızıl güclü görünür: RSI göstəriciləri alıcı üstünlüyünü

göstərir, qiymət əsas hərəkətli ortalamaların üzərindədir. Əgər ABŞ-dən zəif NFP və ya inflyasiya

siqnalları gəlsə, qızıl yeni zirvələrə qalxa bilər. Amma güclü əmək bazarı dolları dəstəkləyərsə, qısa

müddətli korreksiya qaçılmaz olacaq.Ümumilikdə, qızılın perspektivi hələ də müsbət olaraq qalır,

çünki investorların əksəriyyəti FED-in ilin sonuna qədər ən azı bir faiz endirimi edəcəyinə inanır.

Cari həftənin gözləntiləri:

- Artım hədəfləri: 3500; 3550; 3600

- Eniş hədəfləri: 3435; 3345; 3285

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az